Մայիսի 30-ին ծնվել է գերմանացի էնտոմոլոգ Գերման Հագենը

Գերման Հագենը ծնվել է 1817 թ. մայիսի 30-ին Կենիգսբերգում (այժմյան Կալինինգրադ): Նա իր կարիերան սկսել է 1836 թ. Կենիգսբերգի համալսարանի բժշկական ֆակուլտետ ընդունվելուց հետո:

Բժշկության վերաբերյալ դասախոսություններից բացի նա լսում էր նաև հայտնի զոոլոգներ Ֆոն-Բերին և Զիբոլդին:

1839թ. երիտասարդ Հեգանը պրոֆեսոր Ռատկեի հետ մեկնեց Նորվեգիա, Շվեդիա և Դանիա ծովային ֆաունան, ինչպես նաև այդ երկրների էնտոմոլոգիական հավաքածուների և գրադարանների ուսումնասիրման համար:

1840թ. Հագենը թեզ է գրել ու բժշկության դոկտոր դարձել: Այնուհետև աշխատել է Բեռլինում, Վիեննայում և Փարիզում: Երեք տարի անց Հագենը վերադարձել է Կենիգսբերգ, որտեղ բժշկական գործունեությամբ է զբաղվել:

Զուգահեռ նա ակտիվորեն մասնակցել է հասարակական և քաղաքային գործերին: Եվ, չնայած իր բազմակողմանի գործունեություններին, էնտոմոլոգիայի վերաբերյալ ակնառու հրատարակություններ էր անում:

1867թ. սկսած նա եղել է Քեմբրիջի Համեմատական կենդանաբանության թանգարանի էնտոմոլոգիական բաժնի տնօրենը և 1870թ. սկսած Հարվարդ-քոլեջում դասախոսություններ է կարդացել՝ որպես էնտոմոլոգիայի պրոֆեսոր: Նա զբաղվում էր նաև Քեմբրիջի թանգարանի նյութերի հարստացմամբ և մշակմամբ, որի կենսաբանական հավաքածուները գրեթե ամբողջությամբ նրա կողմից են հիմնվել:

1863թ. Հագենը Կենիգսբերգի համալսարանի փիլիսոփայության պատվավոր դոկտորի կոչում ստացավ, իսկ 1887թ.՝ Հարվարդի համալսարանի գիտությունների դոկտորի կոչում:

Գերման Հագենը բազմաթիվ աշխատանքների հեղինակ է: Նրա ամենահայտնի աշխատանքներից մեկը, որը բոլոր էնտոմոլոգների կողմից ընդունվել է,  «Bibliotheca entomologica» տեղեկատուն է, որտեղ նա հավաքել է էնտոմոլոգիայի բնագավառում մինչև 1862թ. հայտնված բոլոր աշխատանքների վերնագրերը:

Ակնառու գիտնական Գերման Հագենը մահացել է 1893թ. նոյեմբերի 9-ին Քեմբրիջում (Մասաչուսեց):

Հարցեր, պատասխաններ, մեկնաբանություններ